Boris Conson dəvəquşunun hücumuna məruz qalıb
Böyük Britaniyanın keçmiş Baş Naziri Boris Conson Texasda ailəsi ilə safari parkında olduğu zaman qeyri-adi hücuma məruz qalıb.
Crossmedia.az bu barədə xarici KİV-ə istinadən məlumat verir.
Məlumata görə, safari parkında gəzintiyə çıxan Conson hündürlüyü 2 metrə çatan və dırnaqları 10 santimetr uzunluğunda olan dəvəquşu tərəfindən hücuma uğrayıb.
Siyasi fəaliyyəti boyunca çoxsaylı tənqidlərə məruz qalan və mətbuatın təzyiqinə tab gətirən Consonun "rəqibi" bu dəfə fərqli idi – təbiətdən gələn bir təhlükə. Şahidlərin sözlərinə görə, dəvəquşu Consonu təqib etməyə başlayıb və parkda kiçik xaos yaranıb.
Hadisə yerinə dərhal parkın təhlükəsizlik xidmətləri gəlib və Consonun təhlükəsizliyini təmin ediblər və hücum nəticəsində ciddi zədələr almayıb.
16:40 08.04.2025
Oxunuş sayı: 1558
