Xarici xəbərlər

İran sahillərində TƏHLÜKƏ SİQNALI: Partlayış səsləri eşidildi

İsrail Cenin bölgəsində təxminən 7,5 hektar Fələstin torpağını “təcili” müsadirə etmək qərarına gəlib.

Crossmedia.az xəbər verir ki, Fələstin Muxtariyyətinin Divar və Məskunlaşmaya Müqavimət Komissiyasının yaydığı yazılı açıqlamada İsrailin Cenin şəhərinin Kabatiya qəsəbəsindəki təxminən 7,5 hektar ərazini “hərbi və təhlükəsizlik” məqsədləri ilə müsadirə etmək qərarı verdiyi bildirilib.

Açıqlamada hərbi əmrlə birlikdə yayımlanan xəritənin araşdırılması zamanı İsrail ordusunun ərazidə hərbi yol salmağı, yolun son hissəsində isə hərbi qüllə inşa etməyi planlaşdırdığı qeyd olunub.

Komissiyanın məlumatına görə, sözügedən xəritədə göstərilən “yeni hərbi yol” yaxın vaxtlarda yeni yaşayış məntəqələrinin əlavə edilməsi ilə genişlənən qeyri-qanuni “Noa” yaşayış məntəqəsinin şimalında yerləşir. Bunun “təhlükəli coğrafi bağlantı” yaratdığı vurğulanıb.

Bildirilib ki, bu cür hərbi əmrlərin əsas məqsədi daha çox Fələstin torpağının ələ keçirilməsi, həmçinin bölgədə genişmiqyaslı müstəmləkəçi məskunlaşmanı asanlaşdıracaq yollar və digər infrastrukturun yaradılmasıdır.

Divar və Məskunlaşmaya Müqavimət Komissiyası sentyabrın 1-də açıqlayıb ki, İsraildə hazırkı hökumətin hakimiyyəti dövründə təxminən 109 min 141 hektar Fələstin torpağı müsadirə edilib.

Mövzular:

İsrail Fələstin Komissiya Noa Müqavimət Komissiyası 109 min 141 hektar Fələstin torpağı təhlükəli coğrafi bağlantı

🖨 Çap et

12:11 05.09.2026

Oxunuş sayı: 53