2 500 illik mexanizm: Bir qədər artıq maye hər şeyi dəyişir
“Pifaqor fincanı” və ya “Ədalət fincanı” adlandırılan xüsusi qab müəyyən həddən artıq maye ilə doldurulduqda içindəkiləri tamamilə boşaldır.
Crossmedia.az xəbər verir ki, Merilend Universitetinin Fizika Departamenti bu barədə məlumat yayıb.
Fincanın daxilində yerləşən xüsusi sifon sistemi maye müəyyən səviyyəni keçdikdə işə düşür. Bu zaman maye fincanın altındakı çıxış vasitəsilə axmağa başlayır və qab tamamilə boşalır.
Bu qurğu ənənəvi olaraq qədim yunan riyaziyyatçısı və filosofu Pifaqorun adı ilə əlaqələndirilir və “Ədalət fincanı” kimi də tanınır. Lakin Pifaqorun bu fincanı həqiqətən ixtira etməsini təsdiqləyən qəti tarixi sübut yoxdur. Fincanın əsas ideyası isə insanlara ölçülülük anlayışını çatdırmaqdır: müəyyən həddi aşmaq nəticəsində insan əldə etdiklərini də itirə bilər.
04:30 30.08.2026
Oxunuş sayı: 50
