Yaffada İsrail təhlükəsizlik əməkdaşının öldürüldüyü bildirilir
İsrailin Yaffa şəhərində təhlükəsizlik xidmətinin əməkdaşının silahlı hücum nəticəsində öldürüldüyü barədə məlumatlar yayılıb.
Crossmedia.az xəbər verir ki, bəzi mənbələr bu barədə məlumat yayıb.
Məlumata görə, hadisə Təl-Əvivin cənubundakı Yaffa rayonunda baş verib. Bəzi mənbələr öldürülən şəxsin İsrailin daxili təhlükəsizlik xidməti olan ŞABAK-ın əməkdaşı olduğunu bildirir.
Hadisədən sonra Təl-Əvivdə təhlükəsizlik tədbirlərinin gücləndirildiyi qeyd olunur. İsrail polisi hücumun odlu silahla törədildiyini təsdiqləyib. Polis tərəfindən təqib edilən atəş açan şəxsin hadisə yerindən qaçdığı və qumbara atdığı bildirilir.
Bununla yanaşı, İsrailin rəsmi məlumatlarında hadisə cinayət xarakterli insident kimi təqdim olunur. Rəsmi media hadisənin şəxsi münaqişə zəminində baş verdiyini yazır.
Hadisə ilə bağlı məlumatlar arasında fərqlər olduğundan, öldürülən şəxsin ŞABAK əməkdaşı olması barədə iddia hələlik müstəqil şəkildə təsdiqlənməyib.
13:29 29.08.2026
Oxunuş sayı: 49
