"Vivo" şirkəti yeni "Vivo Y19s" adlı büdcə dostu smartfonunu təqdim edib.
Crossmedia.az xəbər verir ki, cihaz 1680 x 720 piksel təsvir ölçüsünə və 90 Hz yeniləmə tezliyinə malik 6.68 düymlük LCD ekranla təchiz olunub. Ekranın parlaqlıq dərəcəsi 1000 nit-dir. Fotomodulunda 50 MP əsas və 8 MP əlavə kamera, həmçinin 5 MP selfi kamerası mövcuddur.
"Vivo Y19s" 5500 mAs batareyaya və 15 Vt sürətli şarj dəstəklənməsinə malikdir. Smartfonun 4 GB və ya 6 GB RAM variantları, həmçinin 128 GB daxili yaddaş seçimi mövcuddur. "Android 14" əməliyyat sistemində çalışan model, "FunTouch 14" interfeysinə malikdir və Wi-Fi 5, Bluetooth 5.2 bağlantılarını dəstəkləyir. İki SIM kart dəstəyi və 3.5 mm audio girişi də mövcuddur.
Smartfonun çəkisi 198 qramdır. 4 GB RAM versiyasının qiyməti 130 dollar, 6 GB RAM versiyası isə 145 dollar olaraq qiymətləndirilib.
Emil Bağızadə
