"Apple" tərəfindən hazırlanması iddia edilən "iPhone 17 Air"dən sonra "Samsung" da "Galaxy S25 Slim" modelini hazırlamaq üçün işlərə başlayıb. Uzun müddətdir "Apple" tərəfində geniş miqyaslı hazırlıqların getdiyi bildirilir. Xüsusilə, "iPhone 17" seriyası ilə indiyədək ən incə "iPhone" modeli olacaq "iPhone 17 Slim" və ya "17 Air" üçün böyük gözləntilər mövcuddur. Hələ rəsmi açıqlama olmasa da, "Samsung"un "Galaxy S25" seriyasında rəqib olaraq "S25 Slim" modelini hazırladığı iddia edilir.
Hər il olduğu kimi, gələn il də ağıllı telefon bazarında rəqabətin qızışacağı gözlənilir. Kompakt dizayna malik cihazların populyarlıq qazandığı bazarda "Apple" ilk addımı atıb. İddialara görə, "Samsung" da "Galaxy S25 Slim" adlı cihaz üzərində işləməyə başlayıb.
Sızdırılan məlumatlara əsasən, "Galaxy S25" seriyasında "SM-S937" model nömrəsinə sahib yeni bir model qeydə alınıb. Əvvəllər "Galaxy S24", "S24+" və "S24 Ultra" modellərinin yenilənmiş versiyaları üzərində işlərin getdiyi məlum idi. İndi isə "Galaxy S25" seriyasına aid olan bu yeni model əlavə edilib.
"Galaxy S25" seriyasının ən incə modeli olacağı gözlənilən "Slim" versiyasının nə qədər incə olacağı dəqiq bilinməsə də, bu modelin "Apple"-ın rəqibi kimi təqdim ediləcəyi şübhəsizdir. "Slim" versiyasının, "Apple"-ın sentyabrda təqdim edəcəyi "iPhone 17" seriyasından aylar əvvəl təqdim ediləcəyi isə diqqət çəkən bir məqamdır.
"Apple" tərəfində isə "iPhone 17 Air" modelinin "Plus" modelini əvəz etməsi və dizayn olaraq tək kameraya sahib olması gözlənilir.
Sevinc Abuşova
