Rusiyanın “kölgə donanması” təhlükədə: Aİ yeni qərar verdi
Avropa İttifaqı (Aİ)Rusiyanın “kölgə donanmasına” aid tankerlərindən daşınan neftin müsadirə olunmasına və satışına icazə verib.
Crossmedia.az xəbər verir ki, “Euractiv” yazır ki, yeni mexanizm Aİ-nin 21-ci sanksiyalar paketinə daxil edilib. Yeni qaydalara əsasən, gəmi məhdudiyyətləri pozarsa, saxlanıldıqdan sonra yük müsadirə edilə bilər. Bu, təkcə neftə deyil, taxıl da daxil olmaqla digər mallara da şamil olunur.
Müsadirə olunan yüklərin satışından əldə edilən vəsaitin Rusiya fiziki və ya hüquqi şəxslərinə ötürülməsinə icazə verilməyəcək.
Bundan əlavə, Rusiya nefti üçün qiymət tavanı bir il müddətinə bir barel üçün 44 dollar səviyyəsində müəyyən edilib. Avropa şirkətlərinə isə bu limitdən baha qiymətə daşınan neft tankerlərini sığortalamaq və onlara xidmət göstərmək qadağan olunub.
“Euractiv”in məlumatına görə, Brüssel bu addımlar nəticəsində Rusiyanın illik ixrac gəlirlərini təxminən 3,5 milyard dollar azaltmağı planlaşdırır.
20:24 25.07.2026
Oxunuş sayı: 54
