İlham Əliyev: Bizim sözümüzlə əməlimiz fərqlənmir

Azərbaycana rəhbərlik etdiyi 2003-2023-cü illər ərzində xalqımıza ard-arda misilsiz qələbələr yaşadan Prezident İlham Əliyev yorulmaz fəaliyyəti, əvəzedilməz siyasi liderliyi sayəsində 20 illik qısa bir zamanda dövlətimiz, xalqımız adına möhtəşəm nailiyyətlər, böyük zəfərlər qazanıb.

"Güclü iqtisadiyyat ən önəmli şərtdir" - deyən Prezident İlham Əliyevin hakimiyyəti illərində Azərbaycanın ümumi daxili məhsulu (ÜDM) real ifadədə 3,6 dəfə artıb. Bu, son iki onillikdə qlobal miqyasda əldə olunan ən yaxşı iqtisadi nailiyyətdir. Prezident İlham Əliyevin diqqət və qayğısı, eyni zamanda Birinci vitse-prezident, Heydər Əliyev Fondunun prezidenti Mehriban xanım Əliyevanın bilavasitə təşəbbüsü və dəstəyi ilə ölkə üzrə təhsil, səhiyyə və mədəniyyət ocaqlarının tikintisi və yenidən qurulması sahəsində irimiqyaslı layihələr həyata keçirilib. Son 20 ildə paytaxtda və regionlarda 3630 məktəb, 760-dək səhiyyə müəssisəsi tikilib və ya əsaslı təmir olunub. Əhalinin sosial müdafiəsi, xüsusilə ən həssas kateqoriyadan olan insanların sosial təminat məsələləri, bütövlükdə əhalinin sosial-iqtisadi rifah halının yaxşılaşdırılması Prezidentin daim diqqət mərkəzində olub. Hər il dövlət büdcəsi tərtib edilərkən büdcənin sosialyönümlü olmasına xüsusi diqqət yetirilib.

44 günlük Vətən müharibəsində qazanılan möhtəşəm Zəfər və birgünlük lokal xarakterli antiterror tədbirlərinin uğurlu nəticəsi 30 ildən artıq müddətdə Ermənistanın işğal altında saxladığı ərazilərimizin qapılarını Böyük qayıdışa açmışdır. 2020-ci ildən başlayaraq 2025-ci il də daxil olmaqla dövlət büdcəsindən bərpa-quruculuq işlərinə toplam 22 mlrd. manata yaxın, o cümlədən 2025-ci ildə 4 mlrd. manat vəsait ayrılıb.
Böyük Qayıdış çərçivəsində keçmiş məcburi köçkünlərin işğaldan azad olunmuş ərazilərə köçürülməsi prosesi uğurla həyata keçirilir Bu günədək 2417 ailə - 9306 nəfər həmin ərazilərə köçürülüb.

Prezident İlham Əliyev Birinci vitse-prezident Mehriban xanım Əliyeva ilə birgə, tarixi qələbədən sonrakı müddətdə azad edilmiş torpaqlarımızı addım-addım, qarış-qarış gəzərək Qarabağ və Şərqi Zəngəzur iqtisadi rayonlarındakı bərpa-quruculuq işlərinə bilavasitə başçılıq edir.
Ümumilikdə, İlham Əliyevin rəhbərliyi ilə 2003-2023-cü illərdə əldə edilmiş uğurları rəqəmlərlə  aşağıdakı kimi ifadə edə bilərik (https://ereforms.gov.az/az/publication/28): 

Azərbaycanın uğur tarixinin 2024-cü il səhifəsi

Bu il Azərbaycanda 130 beynəlxalq tədbir keçirilib. Həmin mühüm tədbirlər mövzular üzrə təsnifatlandırılsa belə bir nəticə alınar: Siyasi mövzuda 27, iqtisadiyyata dair 24, elm-təhsil və mədəniyyət sahələri üzrə 41, ekologiya ilə bağlı 19, idman üzrə 12, səhiyyəyə aid 7 beynəlxalq tədbir təşkil olunub. Bu tədbirlərin əksəriyyətində Azərbaycan Prezidenti İlham Əliyev bilavasitə iştirak edib.

Ölkəmizdə dünyanın ən mötəbər və kütləvi tədbirlərindən biri – BMT-nin İqlim Dəyişikliyi üzrə 29-cu konfransı keçirdi. Dünyanın 200-ə yaxın ölkəsinin yekdil səsverməsi ilə COP-29-a ev sahibliyi edən Azərbaycan dünyanı Bakıya toplaya bildi. Tədbir, müzəffər Ali Baş Komandan İlham Əliyevin,  hələ Vətən müharibəsi dövründən bizlərə tanış olan  “Mən nəyi deyirəmsə, onu da edirəm” ifadəsini bir daha yada salır. Azərbaycan planlaşdırdığı, qarşıya məqsəd qoyduğu kimi COP29-a ən yüksək səviyyədə ev sahibliyi etməklə dünyanın mərkəzi olmağı bacardı. Artıq, dünyanın nizamının qurulmasında ölkəmizin yaxından iştirakı labüd və qaçılmazdır. Azərbaycan Prezidenti İlham Əliyevin: "COP29-un sədri kimi Azərbaycan çalışacaq ki, inkişaf etmiş və inkişaf edən ölkələr arasında razılığın tapılmasına töhfə versin və Qlobal Cənubla Qlobal Şimal arasında əlaqələr qurulsun" fikirləri də bunun bariz nümunəsidir.

Məhz, qısa zamandə əldə edilən uğurların, həyata keçirilən uğurlu xarici siyasətin nəticəsidir ki, COP29-un Liderlər Sammitinin açılış mərasimində BMT-nin Baş katibi A.Quterreş "COP29 iqlim maliyyəsi yolundakı divarları dağıtmalıdır. İNKİŞAF ETMƏKDƏ OLAN ÖLKƏLƏR BAKINI BOŞ ƏLLƏ TƏRK ETMƏMƏLİDİRLƏR...” - deyə, dünya dövlətlərini Azərbaycanla münasibətlər qurmağa səsləyib.

Qeyd edilənlər ölkəmizin strateji hədəflərinin reallaşması, iqtisadi inteqarsiya proses-lərinin daha da sürətlənməsi və şaxələnməsi yolunda ölduqca mühüm əhəmiyyətə malikdir. “Əsrin müqaviləsi” ilə dünyaya açılan Azərbaycan Respublikası,cəmi 30 il ərzində dünyanın enerji təhlükəsizliyində aparıcı tərəfdaşa, mühüm nəqliyyat-tranzit qovşağına və nəhayət dünyanın nizamını düzənləyən bir dövlətə çevrilməkdədir. Bütün bunlar, bünövrəsini “Əsrin müqaviləsi”ndən götürərək proqram təminatlı inkişafla davam edən, konkret regional və sahəvi proqramların uğurla reallaşdırılması ilə öz təhlükəsizliyini, ərazi bütövlüyünü təmin edən uğurlu strategiyanın, uzaqgörən siyasətin bariz nəticələridir.

• Bakıda keçirilən Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclaslarında Azərbaycan və Avropa İttifaqı daxil olmaqla 23 ölkə, 6 beynəlxalq təşkilat, 44 şirkət təmsil olunub.
• Azərbaycan Prezidentinin himayəsi və Mərkəzin təşkilatçılığı ilə bu il keçirilən “Parçalanmış dünyanın bərpası” mövzusunda XI Qlobal Bakı Forumudur. Açılış mərasimində dövlətimizin başçısının iştirak etdiyi Foruma 70-dən artıq ölkədən 350-dən çox qonaq qatılıb.
• ADA Universitetində “COP29 və Azərbaycan üçün Yaşıl Baxış” mövzusunda keçirilən beynəlxalq forumda, Bakı Konqres Mərkəzində “Sülh və qlobal təhlükəsizlik naminə dialoq” mövzusunda VI Ümumdünya Mədəniyyətlərarası Dialoq Forumunda, Şuşanın Cıdır düzündə VII “Xarıbülbül” Beynəlxalq Musiqi Festivalında və “Şuşa – İslam dünyasının mədəniyyət paytaxtı 2024” ilinin açılış mərasimində Azərbaycanın yaşıl dünya naminə həmrəyliyə, dünyadakı mövcud çağırışların dialoq yolu ilə həllinə verdiyi töhfələrdən, milli multikulturalizm modelinin dünyaya nümunə olmasından bəhs edilib.
• Türk Dövlətləri Təşkilatının (TDT) Xarici İşlər Nazirləri Şurasının Şuşada keçirilən qeyri-rəsmi iclası TDT-nin Azərbaycanın işğaldan azad edilmiş ərazilərində təşkil edilən ilk yüksəksəviyyəli toplantısı olub. Dövlət başçılarının Zirvə görüşündə isə Azərbaycan Prezidenti İlham Əliyev, Özbəkistan Prezidenti Şavkat Mirziyoyev, Qırğızıstan Prezidenti Sadır Japarov, Qazaxıstan Prezidenti Kasım-Jomart Tokayev, Macarıstanın Baş naziri Viktor Orban, Türkiyənin vitse-prezidenti Cevdet Yılmaz, Şimali Kiprin Prezidenti Ersin Tatar, Türk Dövlətləri Təşkilatının Baş katibi Kubanıçbek Ömüralıyev iştirak ediblər. Tədbir çərçivəsində “Türk Dövlətləri Təşkilatının qeyri-rəsmi Zirvə görüşünün Qarabağ Bəyannaməsi” imzalanıb.
• Şuşada keçirilən daha bir beynəlxalq tədbir – 2-ci Qlobal Media Forumu xüsusi qeyd olunmalıdır. “Yalan məlumatların ifşası: Dezinformasiyaya qarşı mübarizə” mövzusuna həsr olunan Forumda 50-yə yaxın ölkədən 150-dən çox xarici qonağın, o cümlədən 30-a yaxın ölkənin informasiya agentliyinin, 3 beynəlxalq təşkilatın və 82 media qurumunun nümayəndələri  iştirak edib.
• Əldə olunan uğurların siyahısını daha da genişləndirmək olar. Sadəcə bəzi qlobal əhəmiyyətli məsələləri təsvir etməklə, İlham Əliyevin rəhbərliyi ilə 2003-2023-cü illərdə qazanılan uğurların 2024-cü ildə də davam etdiyini ifadə etməyə çalışdıq. Hansı ki, BU UĞURLARIN ƏSASINDA PREZİDENT-XALQ BİRLİYİ DAYANIQ. 

Yeri gəlmişkən, 24 dekabr tarixində bu uğurları xalqımıza, dövlətimizə bəxş edən LİDERİN AD GÜNÜDÜR. Ənənəvi olaraq, əksər ad günlərini qaçqın və məcburi köçkünlərlə, çadır şəhərciklərində, işğaldan azad edilmiş ərazilərdə yeni tikinti-quruculuq işlərinin bünövrəsini qoymaqla qarşılayan CƏNAB PREZİDENTİ TƏBRİK EDİRİK. UCA TANRIDAN MÜDRİK LİDERİMİZƏ MÖHKƏM CAN SAĞLIĞI, VƏTƏNİMİZİN ÇİÇƏKLƏNMƏSİ NAMİNƏ  GÖSTƏRDİYİ ÇOXŞAXƏLİ FƏALİYYƏTİNDƏ TÜKƏNMƏZ ENERJİ ARZULAYIRIQ. 

Cross Media Təhlil Mərkəzi