Sənədsiz evlərdən vergi alına bilər? - Ekspert AÇIQLADI
Son zamanlar çıxarışsız evlərlə bağlı müzakirələr artmaqdadır. Bu evlərin çıxarış almaması səbəbləri çoxdur, lakin əsas problem onların qanunvericiliyin tələblərinə uyğun inşa olunmamasıdır. Özbaşına tikililər mülkiyyət subyekti sayılmadığı üçün bələdiyyə vergisinə və icbari sığortaya cəlb olunması sual altındadır. Bu vəziyyət bir çox vətəndaşı narahat edir və problemə kompleks yanaşma tələb olunur.
Mövzu ilə bağlı Crossmedia.az-a danışan əmlak eksperti Ramil Osmanlı bildirib ki, çıxarışsız tikililər bələdiyyə vergisinə və icbari sığortaya cəlb edilə bilmir, çünki qanunsuz tikililər olaraq qəbul edilirlər:
“Çıxarışsız evlərin vəziyyəti onun niyə çıxarış alınmadığından asılıdır. Əgər mülki qanunvericiliklə bu ev özbaşına tikili kimi qiymətləndirilirsə, qanunvericiliyin tələblərinə uyğun şəkildə inşa olunmayıbsa və tikinti və şəhərsalma məcəlləsinin müvafiq tələblərinə cavab vermirsə, bu halda həmin tikili bələdiyyə vergisinə və icbari sığortaya cəlb olunması qanunvericiliklə mümkün deyil. Bu özbaşına tikili mülkiyyət subyekti sayılmır və belə bir mexanizm mövcud deyil”.
Samirə Şərif
15:03 20.12.2024
Oxunuş sayı: 15749
