Ermənistanda Rusiya telekanalları bağlanır
"Dünən məlum olub ki, Ermənistan baş naziri Nikol Paşinyanın sədrliyi ilə Təhlükəsizlik Şurasının iclası keçirilib. İclasla bağlı hesabatda aydın şəkildə göstərilir ki, digər məsələlərlə yanaşı, Yüksək Texnologiyalar və Sənaye naziri BTA Mxitar Ayrapetyan da iclasda iştirak edib".
Crossmedia.az xəbər verir ki, bu barədə “Hraparak” qəzeti məlumat yayıb.
"Hökumətin pərdəarxası məlumatından öyrəndik ki, iclasda müzakirə olunan məsələlərdən biri Ermənistanda yayımlanan Rusiya kanallarının, eləcə də Telegram platformalarının bağlanması məsələsidir.
Ermənistan Respublikası və xüsusən də bu kanallarda hakimiyyət orqanları haqqında yayılan məlumatları diqqətlə izləmək və onlara qarşı anti-təbliğata yol verməmək barədə əmr verilib. Görünür, hibrid müharibə adı altında yaxın gələcəkdə bəzi Rusiya kanallarının yayımının dayandırılması məsələləri qaldırılacaq.
Bundan əlavə, Paşinyan (Red: Ermənistan baş naziri Nikol Paşinyan) Rusiyada yaşayan çox sayda erməninin Ermənistana girişini qadağan edib və bunun hansı səbəblərdən edildiyi məlum deyil".
19:37 02.05.2026
Oxunuş sayı: 57
