Xarici xəbərlər

İran İsrail gəmilərinin Hörmüz boğazından keçidini qadağan etməyi təklif edir

İran Parlamentinin Milli Təhlükəsizlik və Xarici Siyasət Komitəsinin sədri İbrahim Əzizi millət vəkillərinin İsraillə əlaqəli gəmilərin Hörmüz boğazından keçməsini birdəfəlik qadağan edən qanun layihəsini nəzərdən keçirdiklərini açıqlayıb.

Crossmedia.az xarici mediaya istinadən xəbər verir.

Onun sözlərinə görə, təşəbbüs İsrailə gedən bütün gəmiləri qadağan etməyi təklif edir.

Qanun layihəsi həm də düşmən sayılan və ya İranın təhlükəsizliyinə qarşı fəaliyyət göstərən dövlətlərlə əməkdaşlıq edən ölkələrdən gələn gəmilərə qadağa qoyulmasını tələb edir.

Əzizi əlavə edib ki, qanun layihəsi boğazdan keçid üçün İran valyutası ilə ödəniş təklif etməklə rüsum tətbiq edəcək.

🖨 Çap et

23:23 10.04.2026

Oxunuş sayı: 58