Xarici xəbərlər

Starmer: İranla müharibə bizim müharibə deyil

Britaniyanın baş naziri Keir Starmer xalqa müraciətində bildirib ki, İranla bağlı hər hansı müharibədə Britaniya iştirak etməyəcək.

Crossmedia.az bu barədə xarici mediaya istinadən xəbər verir.

Starmer vurğulayıb ki, ona və hökumət üzvlərinə qarşı təzyiq və səs-küy nə olursa olsun, qərarlarını Britaniyanın milli maraqları çərçivəsində verəcək.

“Heç bir təzyiq bizi geri çəkdirə bilməz. Bu Britaniyadır və burada yalnız Britaniyanın maraqları əsasdır”, – deyə o bildirib.

Baş nazir əlavə edib ki, Britaniyanın İranla bağlı heç bir marağı yoxdur və bu müharibədə iştirak üçün heç bir əsas yoxdur. “Heç bir panikaya ehtiyac yoxdur. Bu müharibə kimindirsə, onu onlar həll etməlidir”, – deyə Starmer qeyd edib.

O həmçinin Avropa İttifaqı ilə əməkdaşlığı gücləndirməyin vacibliyini vurğulayıb: “Biz Aİ ilə müdafiə, təhlükəsizlik, enerji və iqtisadiyyat sahələrində əməkdaşlığımızı möhkəmləndirməliyik”.

Starmer çıxışını Britaniyaya qarşı təzyiq dili ilə nəsə qəbul etdirməyin mümkün olmadığını qeyd etməklə yekunlaşdırıb.

🖨 Çap et

15:04 01.04.2026

Oxunuş sayı: 192