Xarici xəbərlər

Yaponiya ilk dəfə uzaqmənzilli raketlər yerləşdirib

Yaponiya Quru Özünümüdafiə Qüvvələri ölkənin iki hərbi bazasında ilk dəfə uzaqmənzilli raketlər yerləşdirib.

Crossmedia.az bu barədə xarici mediaya istinadən xəbər verir.

Məlumata görə, yerləşdirmə ölkənin cənub-qərbindəki Kumamoto prefekturası və Tokio yaxınlığında yerləşən Şizuoka prefekturası ərazilərində həyata keçirilib.

Yaponiya Müdafiə Nazirliyi tərəfindən verilən açıqlamada bildirilir ki, Kumamotodakı Kenqun bazasında mənzili 1000 kilometrdən çox olan “Type 12” yerüstü qanadlı raketləri yerləşdirilib.

Eyni zamanda, ölkənin mərkəzində yerləşən Fuci bazasında isə bir neçə yüz kilometr mənzilli yüksəksürətli planer aparatlarının yerləşdirildiyi qeyd olunub.

Qeyd olunur ki, bu addım Yaponiyanın müdafiə qabiliyyətinin gücləndirilməsi istiqamətində atılan mühüm addımlardan biri hesab olunur.

🖨 Çap et

17:00 31.03.2026

Oxunuş sayı: 49