Xarici xəbərlər
III Dünya Müharibəsi yaxınlaşır
Amerikalı iqtisadçı Ceffri Saks Yaxın Şərqdə artan gərginliyin qlobal müharibəyə çevrilə biləcəyi barədə xəbərdarlıq edib.
Crossmedia.az bu barədə xarici mediaya istinadən xəbər verir.
Nyu-Yorkdakı Kolumbiya Universiteti nəzdində fəaliyyət göstərən Davamlı İnkişaf Mərkəzinin direktoru olan Saks Nikkei Asia portalına müsahibəsində bildirib ki, regionda eskalasiya davam edərsə, ABŞ və İsrailə qarşı düşmənçilik III Dünya Müharibəsinə qədər genişlənə bilər.
Onun sözlərinə görə, müharibə yalnız ABŞ və İsrailin siyasətinə qarşı qlobal təzyiq bu ölkələri geri addım atmağa məcbur edərsə dayana bilər. Əks halda, Yaxın Şərqdə vəziyyət daha da kəskinləşəcək və münaqişə asanlıqla qlobal qarşıdurmaya çevriləcək.
Saks həmçinin qeyd edib ki, ABŞ və İsrailin regionda hegemonluq qurmaq niyyəti döyüşlərin nəzarətdən çıxması riskini artırır. O iddia edib ki, bu siyasət Yaxın Şərqdəki ölkələrin suverenliyinə və enerji resurslarına nəzarət uğrunda mübarizəni daha da dərinləşdirir.
İqtisadçı vurğulayıb ki, regionda gərginliyin davam etməsi dünya üzrə ciddi enerji böhranına səbəb ola bilər. Onun fikrincə, belə bir ssenari qlobal iqtisadiyyat üçün “fəlakətli nəticələr” doğura bilər.
17:25 30.03.2026
Oxunuş sayı: 887
