Xarici xəbərlər

İran müharibə ilə bağlı BMT hesabatlarına çağırış etdi

İran parlamentinin sədri Məhəmməd Bağır Qalibaf “X” hesabında açıqlama verərək BMT tərəfindən hazırlanmış hesabatları ictimaiyyətin diqqətinə çatdırmağı tövsiyə edib.

Crossmedia.az bu barədə xarici mediaya istinadən xəbər verir.

Qalibaf bildirib ki, bu sənədlər ölkəsinin insanlıq uğrunda mübarizə apardığını və İsrailin insan sivilizasiyası üçün ciddi təhlükə yaratdığını anlamaq baxımından əhəmiyyətlidir. O qeyd edib ki, maarifləndirmə müqavimətin mühüm hissəsidir və beynəlxalq ictimaiyyət hadisələrə obyektiv yanaşmaq üçün rəsmi mənbələrə diqqət yetirməlidir.

O, xüsusilə üç hesabatı önə çəkib:

• “Soyqırımın Anatomiyası”;

• “İşğal İqtisadiyyatından Soyqırım İqtisadiyyatına”;

• “Bir insanın dözə biləcəyindən daha çox: İsrailin Fələstinlilərə qarşı sistematik cinsi zorakılıqdan istifadəsi”.

Qalibafın sözlərinə görə, bu sənədlərdə yer alan məlumatlar müharibə cinayətlərinin miqyasını göstərir və “bir insanın dözə biləcəyindən daha artıq” vəziyyəti əks etdirir.

🖨 Çap et

16:25 28.03.2026

Oxunuş sayı: 1564