Yair Lapid hökuməti çoxcəbhəli müharibə ilə bağlı tənqid edib
İsrailin müxalifət lideri Yair Lapid hökumətin hərbi siyasətini sərt şəkildə tənqid edib.
Crossmedia.az bu barədə xarici mediaya istinadən xəbər verir.
Lapidin sözlərinə görə, hökumət ordunu kifayət qədər resurs təmin etmədən və şəxsi heyətin ciddi çatışmazlığı şəraitində çoxcəbhəli müharibəyə cəlb edir. O bildirib ki, bu yanaşma təhlükəli nəticələrə səbəb ola bilər.
Müxalifət lideri həmçinin qeyd edib ki, Baş Qərargah rəisi Nazirlər Kabinetinə nizami qüvvələrin faktiki olaraq tükəndiyini çatdırıb. Onun iddiasına görə, ordunun qarşıya qoyulan tapşırıqları yerinə yetirmək üçün kifayət qədər hərbçisi yoxdur.
Lapid vurğulayıb ki, mövcud vəziyyət ölkənin təhlükəsizliyi baxımından ciddi risklər yaradır və hökumət bu məsələyə təcili şəkildə yenidən baxmalıdır.
10:49 28.03.2026
Oxunuş sayı: 42
