İranın hədəfində bu dəfə İtaliya bazası: Küveytdəki hərbi obyektə ağır zərbə endirilib
Yaxın Şərqdə genişlənən hərbi əməliyyatlar fonunda İranın Avropa ölkələrinin regiondakı bazalarına qarşı hücumları yeni bir mərhələyə qədəm qoyub.
Bu barədə crossmedia.az xarici KİV-ə istinadən xəbər verir. Almaniya, Fransa və Britaniyadan sonra İtaliya, hərbi bazası hədəf alınan dördüncü Avropa ölkəsi olub. Məlumata görə, Küveytdə yerləşən İtaliya hərbi obyektinə endirilən zərbələr nəticəsində ciddi texniki itkilər qeydə alınıb. Hücum zamanı bazar dəyəri 30 milyon dollar olan "MQ-9A Predator" tipli pilotsuz uçuş aparatı vurulub, həmçinin aerodromda olan iki ədəd "Eurofighter Typhoon" qırıcısına ciddi zərər dəyib. İtaliya Müdafiə Nazirliyi baş vermiş hadisəni və itkilərin mövcudluğunu rəsmən təsdiqləyib. Bu hadisə Avropa dövlətlərinin regiondakı hərbi varlığına qarşı birbaşa təhdidlərin artdığını və münaqişə coğrafiyasının daha da genişləndiyini bir daha nümayiş etdirir.
23:47 22.03.2026
Oxunuş sayı: 439
