Səudiyyə Ərəbistanı və ABŞ regional müharibənin qarşısını almağa çalışır
Yaxın Şərqdə gərginliyin artması fonunda Yəməndəki husi hərəkatının İranın tərəfində münaqişəyə qoşulma ehtimalı beynəlxalq gücləri hərəkətə keçirib.
Bu barədə crossmedia.az xarici KİV-ə istinadən xəbər verir. ABŞ rəsmilərinin bildirdiyinə görə, Səudiyyə Ərəbistanı husiləri genişmiqyaslı müharibədən kənarda saxlamaq üçün onlarla mövcud diplomatik kanalları qoruyub saxlamağa və gərginliyi idarə etməyə çalışır. Eyni zamanda, rəsmi Vaşinqton və İsrailin husiləri münaqişəyə daha dərindən cəlb edə biləcək hər hansı təxribat xarakterli addımdan qaçmağa çalışdığı vurğulanır. Ekspertlər qeyd edirlər ki, husilərin aktiv hərbi əməliyyatlara müdaxilə etməsi regiondakı riskləri kəskin şəkildə artıraraq Süveyş kanalı kimi strateji su yollarını təhlükə altına qoya və Misir kimi dövlətləri də prosesə cəlb edə bilər. "New America" beyin mərkəzinin tədqiqatçısı Adam Baronun fikrincə, belə bir ssenari Səudiyyə Ərəbistanını münaqişənin birbaşa mərkəzinə çəkməklə yanaşı, qlobal iqtisadiyyat və təhlükəsizlik üçün ağır nəticələr doğura bilər.
23:30 22.03.2026
Oxunuş sayı: 49
