Xarici xəbərlər

KİV: Rusiya kəşfiyyatı Orbanla bağlı qalmaqallı ssenari təklif edib

Rusiya Xarici Kəşfiyyat Xidməti Macarıstanda keçiriləcək seçkilər öncəsi Baş nazir Viktor Orbanın reytinqini artırmaq məqsədilə ona qarşı sui-qəsd ssenarisinin təşkilini müzakirə edib.

Crossmedia.az xəbər verir ki, bu barədə "The Washington Post" nəşri yazıb.

Hesabatda qeyd olunur ki, belə bir hadisə seçki kampaniyasının fokusunu sosial-iqtisadi mövzulardan emosional müstəviyə keçirə, dövlət təhlükəsizliyi və sabitlik kimi məsələləri ön plana çıxara bilər.

Bununla belə, nəşr vurğulayır ki, indiyədək Orbanla bağlı hər hansı real fiziki hücum baş verməyib. Məlumatlar Rusiyanın Macarıstandakı seçki proseslərinə mümkün təsir cəhdləri ilə bağlı müzakirələri yenidən gündəmə gətirib.

🖨 Çap et

17:00 21.03.2026

Oxunuş sayı: 289