Kim Çen İn və qızı tank sürüb
Şimali Koreya lideri Kim Çen İn və qızı Kim Cu-Ey hərbi təlimlər zamanı ən yeni əsas döyüş tankına miniblər.
Crossmedia.az xəbər verir ki, bu barədə Koreya Mərkəzi Xəbər Agentliyi (KCNA) tərəfindən məlumat verilib.
Martın 19-da Şimali Koreya lideri Koreya Xalq Ordusunun Paytaxt Müdafiə Korpusunun təlim bazasına baş çəkib.
Orada o, piyada və tank bölmələrinin birgə hücum əməliyyatı keçirdiyi taktiki təlimləri izləyib və bir daha yeni tankın döyüş xüsusiyyətləri ilə tanış olub.
Kim Çen Inın sözlərinə görə, bu tank yeddi illik inkişafın nəticəsidir.
"Əminəm ki, dünyada bu tank qədər güclü özünümüdafiə funksiyasına malik zirehli silah yoxdur", - deyə o vurğulayıb.
Bir müddət əvvəl Kim Çen In yeni Şimali Koreya tankının döyüş imkanlarını açıqlayıb.
O qeyd edib ki, yeni tank məsafədən idarə olunan, inteqrasiya olunmuş və avtomatik atəş idarəetmə sistemi, eləcə də elektron müharibə (EW) sistemi ilə təchiz olunub.
11:57 20.03.2026
Oxunuş sayı: 49
