Atom Enerjisi üzrə Beynəlxalq Agentliyin (AEBA) baş direktoru Rafael Qrossi bildirib ki, İranda yoxlama fəaliyyətləri bərpa edilsə də, çox məhdud şəkildədir.
Crossmedia.az bu barədə xarici KİV-ə istinadən xəbər verir.
Məlumata görə, Qrossi qeyd edib ki, müfəttişlər yalnız əvvəlcədən razılaşdırılmış və müharibə zamanı zərər görməmiş obyektlərə daxil ola bilirlər. Əsas nüvə obyektləri olan Nətənz, İsfahan və Fordoya isə hazırda giriş mümkün deyil.
Baş direktor əlavə edib ki, bu obyektlərdə hələ də əhəmiyyətli miqdarda nüvə materialı və avadanlıq mövcuddur və agentlik orada baxış keçirməlidir.
Nəzrin Abbas
