Xarici xəbərlər

Rusiyada sənaye tozları təkrar emal ediləcək

Rusiyanın Saratov vilayətində sənaye poladqayırma tozlarından ölkədə ilk dəfə Waelz sink oksidi istehsal edən müəssisə fəaliyyətə başlayacaq. Bu barədə məlumatı Rusiyanın Ətraf Mühit Operatoru yayıb.

Crossmedia.az bu barədə İzvestiya-ya istinadən xəbər verir.

Zavod ildə 100 min tondan çox poladqayırma tozunu emal edəcək və 30 min tona qədər sink oksidi istehsal olunacaq. Sink oksidi tibbdə, kosmetologiyada, elektronika və metallurgiyada geniş istifadə olunur.

REO nümayəndəsi İrina Tarasalovanın sözlərinə görə, layihə regionda sənaye tullantılarının həcmini ciddi şəkildə azaldacaq və metallurgiyada dairəvi iqtisadiyyat modelinin tətbiqinə töhfə verəcək.

İstehsal “İstok” Xüsusi İqtisadi Zonasında yerləşən Ecozinc zavodunda həyata keçiriləcək. Layihə “Dairəvi İqtisadiyyat” hökumət proqramı çərçivəsində hazırlanıb.

🖨 Çap et

21:52 08.12.2025

Oxunuş sayı: 837