Putin: Rusiya iqtisadiyyatının şəffaflaşdırılması prioritetdir
Rusiya prezidenti Vladimir Putin bildirib ki, 2025-ci ildə hökumət və regionlar qarşısında əsas vəzifələrdən biri milli iqtisadiyyatın şəffaflaşdırılmasıdır.
Crossmedia.az "Tass.ru"- ya istinadən xəbər verir ki, prezident bununla ölkədə qanunsuz məhsul dövriyyəsinin aradan qaldırılmasını, həm topdan, həm pərakəndə bazarlarda, həm də rəqəmsal sahədə şəffaflıq təmin edilməsini nəzərdə tutur.
Putin əlavə edib ki, bu prosesdə iqtisadi artıma mane olacaq məhdudiyyətlər yaradılmamalıdır və dürüst fəaliyyət göstərən sahibkarlar yeni imkanlar və bazarın şəffaflaşmasından konkret fayda əldə etməlidirlər.
Rusiya dövlət başçısı vurğulayıb ki, dövlət və cəmiyyət üçün əsas effekt büdcəyə daxilolmaların artması, müxtəlif səviyyəli büdcələrin möhkəmlənməsi olmalıdır. “Ümid edirəm ki, atılan addımlar iqtisadi mühitin şəffaflaşdırılmasına real töhfə verəcək”, - deyə o bildirib.
Putin həmçinin qeyd edib ki, ölkədə şəffaf və rəqabətqabiliyyətli biznes mühiti formalaşdırmaq vacibdir.
Türkan Kərimli
21:06 08.12.2025
Oxunuş sayı: 855
