Çində 200 milyon illik dinozavr izləri tapılıb
Çin paleontoloqları Dujiangyan bölgəsində təxminən 200 milyon il əvvələ aid dinozavr ayaq izləri aşkarlayıblar. Alimlər bunun həmin ərazidə dinozavr izlərinin ilk dəfə tapılması olduğunu bildiriblər.
Crossmedia.az "Global Times"a istinadən xəbər verir ki, qazıntı iştirakçılarından birinin sözlərinə görə, bu kəşf dinozavrların erkən təkamül prosesinin araşdırılması və qədim ekosistemlərin bərpası üçün son dərəcə dəyərli fiziki sübutlar təqdim edir.
Mütəxəssislər hesab edirlər ki, tapıntı bölgənin geoloji tarixinin öyrənilməsinə mühüm töhfə verəcək və növbəti araşdırmalar üçün yeni istiqamətlər açacaq.
Türkan Kərimli
18:17 08.12.2025
Oxunuş sayı: 921
