Çin və Rusiya Rusiyada üçüncü birgə raketdən müdafiə təlimi keçirib
Çin və Rusiya Rusiya ərazisində növbəti - üçüncü birgə raketdən müdafiə təlimlərini həyata keçiriblər. Çin Müdafiə Nazirliyi bildirib ki, təlimlər dekabrın əvvəlində baş tutub və heç bir üçüncü tərəfə qarşı yönəlməyib.
Crossmedia.az "Reuters"-ə istinadən xəbər verir ki, nazirlik təlimlərin mövcud beynəlxalq vəziyyətə cavab xarakteri daşıdığını qeyd edib.
Məlumata görə, noyabr ayında Moskva və Pekin raketdən müdafiə və strateji sabitlik mövzusunda danışıqlar aparıblar. Avqustda isə Yapon dənizində artilleriya və sualtı qayıq əleyhinə birgə hərbi təlimlər keçirilib.
Hər iki ölkə daha əvvəl ABŞ prezidenti Donald Trampın “Qızıl Günbəz” adlı yeni raketdən müdafiə sistemi yaratmaq planları və 30 ildən sonra nüvə silahı sınaqlarını bərpa etmək niyyəti ilə bağlı narahatlıqlarını ifadə ediblər.
19:30 07.12.2025
Oxunuş sayı: 1377
