Britaniyanın nüvə sualtı donanması "artıq məqsədə uyğun deyil"
Britaniya sabiq Dəniz Donanması rəhbəri, ölkənin nüvə sualtı qayıq proqramının “katastrofik” uğursuzluqlar səbəbindən idarəolunmaz vəziyyətə düşdüyünü bildirib.
Crossmedia.az "The Telegraph"-a istinadən xəbər verir ki, sabiq Rear Admiral Philip Mathias proqramın bərpası üçün “radikal” müdaxilənin zəruri olduğunu vurğulayıb. O qeyd edib ki, yeni hücum sualtı qayıqlarının tikilməsində gecikmələr rekord səviyyəyə çatıb və heyətlərin patrul müddəti Soyuq Müharibə dövründəki 70 gündən 200 gündən çoxa yüksəlib.
Mathias sualtı qayıqların Şimal Atlantikdə “Rusiya təhdidinə qarşı” istifadəsinin kritik səviyyədə aşağı olduğunu bildirib və Britaniyanın ABŞ və Avstraliya ilə nəzərdə tutulmuş 12 yeni nüvə qayıq tikmək planını ləğv etməli olduğunu deyib. O, Dreadnought sinfini “son nüvə sualtı qayıq sinfi” adlandırıb və pulların daha ucuz texnologiyalarla eyni qabiliyyəti təmin etməyə yönəldilməsini tövsiyə edib.
Hazırda Astute sinfi qayıqlar limanda qalır, HMS Ambush 1 222 gün fəaliyyətsizdir, planlaşdırılan yeddi qayıqdan yalnız altısı xidmətə cəlb olunub. Mathias həmçinin müdafiə xərclərindəki kəsintilər və heyətin idarə olunmasında problemləri proqramın tənəzzülünün əsas səbəbləri sayıb.
Müdafiə Nazirliyi isə Dreadnought proqramının plan üzrə irəlilədiyini, köhnə qayıqların təhlükəsiz məhv edilməsinə və yüksək təhlükəsizlik standartlarına sadiq olduqlarını açıqlayıb.
23:00 06.12.2025
Oxunuş sayı: 941
