Rusiya Ukraynanı vurur, ABŞ isə Kiyev ilə danışıqlarda irəliləyiş olduğunu bildirir
Rusiya Ukraynanın infrastrukturuna genişmiqyaslı hava zərbələri endirib.
Crossmedia.az "BBC"-ə istinadən xəbər verir ki, gecə boyu 653 dron və 51 raket göndərilib, çoxu vurulub. Fastiv şəhərindəki dəmiryolu mərkəzi dağılıb, vaqonlar zədələnib. Rusiya hücumların hərbi-sənaye obyektlərini, enerji və liman infrastrukturlarını hədəf aldığını bildirir.
Fransa prezidenti Emmanuel Makron hücumları pisləyərək bazar ertəsi Londonda Ukrayna, Böyük Britaniya və Almaniya liderləri ilə Moskva üzərində təzyiqi müzakirə edəcəyini açıqlayıb. ABŞ xüsusi elçisi Stiv Vitkoff isə iki gün davam edən danışıqların konstruktiv olduğunu və tərəflərin təhlükəsizlik tədbirləri çərçivəsində razılığa gəldiyini bildirib. Danışıqların davamı Rusiyanın de-eskalasiya və öldürməni dayandırmaq öhdəliyindən asılıdır.
Ukrayna prezidenti Volodimir Zelenski deyib ki, Moskva görüşündə nə danışıldığını və Putinin müharibəni uzatmaq üçün bəhanələrini öyrənmək istəyir. Kyiv və Avropa tərəfdaşları hesab edir ki, Rusiyanı gələcək hücumlardan çəkindirməyin ən effektiv yolu Ukraynanın NATO üzvü olması və ya geniş təhlükəsizlik zəmanətlərinin verilməsidir. Zelenski həmçinin Ukraynanın Rusiyanın hərbi və müdafiə obyektlərini hədəf almaq imkanlarının qorunmasının vacibliyini vurğulayıb.
Türkan Kərimli
20:55 06.12.2025
Oxunuş sayı: 964
