ABŞ: Avstraliyanın qərarı İranın imkanlarını məhdudlaşdıracaq
ABŞ Dövlət Departamenti Avstraliyanın SEPAH-ı “terrorizmin dövlət sponsoru” kimi tanımasını alqışlayıb.
Crossmedia.az xarici KİV-ə istinadən xəbər verir ki, Departament bildirib ki, İran SEPAH-ın Qüds qanadı vasitəsilə Hizbullah, HƏMAS və digər qrupları maliyyələşdirərək qlobal səviyyədə hücumlara rəhbərlik edir.
Açıqlamada qeyd olunub ki, Avstraliyanın qərarı İran rejiminin və nümayəndələrinin terror hücumları planlaşdırmaq və dünya üzrə yəhudi icmalarına qarşı vəsait toplamaq imkanlarını məhdudlaşdıracaq.
ABŞ Trampın “İrana maksimum təzyiq” siyasəti çərçivəsində Avstraliya kimi tərəfdaşlarla əməkdaşlığı davam etdirəcəyini və digər ölkələri də İranı məsuliyyətə cəlb etməyə çağıracağını bildirib.
Türkan Kərimli
19:30 06.12.2025
Oxunuş sayı: 893
