Trumpın yeni doktrini: ABŞ Qərb Yarımkürəsini nəzarət zonası elan edir
ABŞ-nin təqdim etdiyi yeni xarici siyasət doktrini, ölkənin qlobal prioritetlərini kökündən dəyişir.
Crossmedia.az "Real Clear World"-ə istinadən xəbər verir ki, 2025-ci il milli təhlükəsizlik strategiyasında yenilənmiş “Monroe Doktrini” aktivləşdirilir və Qərb Yarımkürəsi - Latın Amerikası və Kariblər - ABŞ-nin xüsusi nüfuz dairəsi kimi elan olunur.
Yeni siyasətə görə, narkotik kartelləri terror təşkilatı kimi qəbul edilir və onlara qarşı sərt hərbi əməliyyatlar, o cümlədən gəmilərin vurulması və lazım gələrsə quru müdaxiləsi nəzərdə tutulur.
Doktrinin əsas məqsədləri ABŞ sərhədlərinə kütləvi miqrasiyanın qarşısını almaq, Çin, Rusiya, İran və digər güclərin Latın Amerikasındakı təsirini sıfırlamaq, həmçinin regionu tam şəkildə Vaşinqtonun nəzarətində saxlamaqdır.
Bu strategiya birbaşa Avropaya da mesaj verir: ABŞ qlobal liderlikdən geri çəkilir və diqqətini öz “arxa həyətinə” yönəldir. Nəticədə Avropanın təhlükəsizlik baxımından ABŞ-ə asılılığı daha da artır.
Türkan Kərimli
19:05 06.12.2025
Oxunuş sayı: 1010
