Qazaxıstan Silahlı Qüvvələrində Sarbaz+ layihəsi başladı: Hərbi xidmət və IT-təlim birləşir
Qazaxıstan Silahlı Qüvvələrində Sarbaz+ layihəsi başlayıb.
Crossmedia.az xarici mətbuata istinadən xəbər verir ki, Almatı vilayətindəki Hava Hücumundan Müdafiə Qoşunlarının 78460 saylı hərbi hissəsinə ilk çağırışçılar gəlib. Onlar pilot Sarbaz+ layihəsi çərçivəsində hərbi xidmət keçəcək və eyni zamanda IT, telekommunikasiya və dron idarəetməsi sahələrində peşə bacarıqları qazanacaqlar.
Bu layihə Qazaxıstan Müdafiə Nazirliyinin təşəbbüsü ilə hərbi qulluqçuların hərtərəfli inkişafına və sosial adaptasiyasına yönəlmiş innovativ hazırlıq modelinə keçidi simvollaşdırır. Layihənin uğurla həyata keçirilməsi halında, bu çağırışçı xidməti modeli mərhələli şəkildə ölkənin bütün Silahlı Qüvvələrində tətbiq olunacaq.
Pərvin Hacıyeva
18:20 06.12.2025
Oxunuş sayı: 802
