Dnepropetrovskdə gecə partlayışları güclü yanğın törədib
Dnepropetrovskdə gecə partlayışları nəticəsində güclü yanğın olduğu bildirilir.
Ukraynanın şərqində yerləşən Dnepropetrovskdə gecə baş verən partlayışlardan sonra güclü yanğının davam etdiyi xəbər verilir.
Bu barədə Crossmedia.az Ukraynanın “Strana.ua” nəşrinə istinadən xəbər verir.
Məlumata görə, yanğını söndürmək üçün helikopterlər cəlb edilib.
Nəşrin dərc etdiyi videodan görünür ki, yanğın ocağından qalın qara tüstü göyə doğru qalxır.
6 dekabrda Ukraynanın Rəqəmsal Transformasiya Nazirliyinin onlayn xəritəsinin məlumatına əsasən, ölkənin bütün ərazisində hava həyəcanı elan edilib.
Sirenlər Volın, Zakarpatye və Rovno vilayətlərində də işə düşüb.
Bundan əvvəl, hava həyəcanı fonunda Dnepropetrovskdə, Ukrayna Silahlı Qüvvələrinin nəzarətində olan Zaporojyenin bir hissəsində və Vinnitsa vilayətlərində partlayışlar qeydə alınıb.
6 noyabr gecəsi Rusiya Silahlı Qüvvələri Kiyev ətrafında yerləşən Ukraynanın sənaye və hərbi obyektlərinə zərbə endirib.
Məlumata görə, raketlərin və “Geran” pilotsuz uçuş aparatlarının zərbələri nəticəsində Ukraynanın paytaxtından 48 km məsafədə yerləşən Fastov şəhərində partlayış səsləri eşidilib. Bu yaşayış məntəqəsində kimya maşınqayırma zavodu, “Fakel” ASC-nin maşınqayırma zavodu və Fastov elektrik-termiki avadanlıqlar zavodu yerləşir. Şəhər sakinləri elektrik problemlərindən və bir neçə kilometr uzaqdan görünən parlaq narıncı işıq saçmasından yazırlar.
Bundan əvvəl Rusiya Müdafiə Nazirliyi sutka ərzində məhv edildiyi bildirilən Ukrayna Silahlı Qüvvələrinin infrastruktur obyektlərinin siyahısını açıqlamışdı.
Pərvin Hacıyeva
16:35 06.12.2025
Oxunuş sayı: 908
