Böyük Britaniya: Uğursuz sığınacaq müraciətçilərinin uşaqları ölkədən çıxarılacaq
Böyük Britaniyada sığınacaq müraciətləri rədd edilən ailələrin uşaqları, hətta ölkədə doğulsalar belə, deportasiya ediləcək.
Crossmedia.az "The Telegraph"-a istinadən xəbər verir ki, sərhəd təhlükəsizliyi və sığınacaq naziri Aleks Norris bildirib ki, ölkədə qalmaq hüququ olmayan hər kəs çıxarılacaq və bunun üçün ailələrin könüllü geri dönüşünü təşviq etmək məqsədilə ödənişlər artırıla bilər.
Norris qeyd edib ki, yeni immiqrasiya çıxarma mərkəzləri artıq fəaliyyətə başlayıb və ailələr, uşaqları ilə birlikdə, qanun çərçivəsində çıxarılacaq. O əlavə edib ki, sığınacaq müraciətçiləri hələ də deportasiya qərarına qarşı apellyasiya hüququna malik olacaqlar.
Nazir vurğulayıb ki, bu addım prosesi sürətləndirəcək və mühacir qanunlarına uyğun qərarların daha effektiv icrasını təmin edəcək.
Türkan Kərimli
21:30 05.12.2025
Oxunuş sayı: 896
