Niderland XİN-in İdarə rəhbəri Bakıda əməkdaşlığın daha da dərinləşdirilməsini müzakirə edib
Niderland Krallığının Xarici İşlər Nazirliyinin Şərqi Avropa və Mərkəzi Asiya İdarəsinin rəhbəri Karolin Ramaekers 13–14 noyabr tarixlərində Azərbaycana etdiyi səfəri başa vurub.
Crossmedia.az xəbər verir ki, bu barədə Niderland səfirliyi məlumat yayıb.
Səfər çərçivəsində o, siyasi dialoq, ikitərəfli münasibətlər və Niderland ilə Azərbaycan arasında əməkdaşlığın daha da dərinləşdirilməsi imkanlarını müzakirə etmək üçün dövlət qurumları və rəsmi tərəfdaşlarla görüşlər keçirib.
Karolin Ramaekers həmçinin Azərbaycan Prezidentinin köməkçisi Hikmət Hacıyev, eləcə də Azərbaycan Respublikası Xarici İşlər Nazirliyinin Avropa idarəsinin müdiri vəzifəsini icra edən Anar Əcəmov ilə görüşüb.
Niderland şirkətləri üçün investisiya imkanları, yerli biznes mühiti və Azərbaycan məhsullarının Niderland bazarına ixrac potensialı müzakirə olunub.
O, həmçinin AIR Centrə və İqtisadi İslahatların Təhlili və Kommunikasiya Mərkəzinə baş çəkərək regional siyasi və iqtisadi tendensiyalar, eləcə də Orta Dəhliz üzrə fikir mübadiləsi aparıb. ADA Universitetinə səfəri zamanı tələbələr və müəllim heyəti ilə səmimi və məzmunlu müzakirələr keçirib.
18:52 17.11.2025
Oxunuş sayı: 1396
