Suriya Türkiyədən silah almağı planlaşdırır
Suriya Türkiyədən hava hücumundan müdafiə (HHM) sistemləri də daxil olmaqla müxtəlif silah və hərbi texnika almağı planlaşdırır. Bu addımın məqsədi ölkəni terror və İsrail təhdidlərindən qorumaqdır.
Crossmedia.az Yeni Şafak qəzetinə istinadən bildirir ki, sövdələşmənin maliyyələşdirilməsi Körfəz Əməkdaşlıq Şurasına (KƏŞ) üzv dövlətlərin iştirak etdiyi Suriya üçün xüsusi fond vasitəsilə həyata keçiriləcək.
Suriya hökuməti artıq Türkiyəyə HHM sistemləri, zirehli texnika, pilotsuz uçuş aparatları və modernləşdirilmiş artilleriya sistemlərinin satışı ilə bağlı rəsmi müraciət göndərib. Qeyd olunur ki, bu, hərbi yardım deyil, rəsmi satış müqaviləsi əsasında reallaşdırılacaq.
Yeni Şafak yazır ki, Suriyanın əsas məqsədi ölkənin şimal hissəsini əhatə edən çoxpilləli HHM sisteminin qurulmasıdır. Ötən həftə Türkiyə Müdafiə Sənayesi Agentliyinin rəhbəri Haluk Görgün Dəməşqə səfər edib və bu məsələlər müzakirə olunub.
Sevinc Yarməmmədova
11:59 20.10.2025
Oxunuş sayı: 10000
