Gümrü meri Rusiyayla ittifaq çağırışından sonra saxlanılıb
Ermənistanın Gümrü şəhərinin meri Vardan Qukasyanın Rusiyayla ittifaq dövləti yaradılması ideyasını dəstəkləməsindən sonra hüquq-mühafizə orqanları şəhər meriyasına daxil olublar.
Bu barədə Crossmedia.az erməni mətbuatı, o cümlədən "Joxovurd" qəzetinə istinadən xəbər verir.
Xüsusi xidmət əməkdaşları Qukasyanı aparmaq üçün meriyaya gəliblər. Merə yaxın şəxslər isə mediaya bildiriblər ki, onlara binaya yaxınlaşmağa icazə verilmir.
Bir müddət əvvəl Vardan Qukasyan Ermənistanla Rusiya arasında ittifaq dövləti yaradılması təklifini irəli sürmüş və bu bəyanat ölkə ictimaiyyətində ciddi rezonans doğurmuşdu.
Hazırda hadisə ilə bağlı rəsmi açıqlama verilməyib.
Mehriban İbrahimli
10:41 20.10.2025
Oxunuş sayı: 9090
