Motorola bu cihazlara Android 15 yeniləməsini təqdim edəcək!
Google-un uzun müddətdir üzərində işlədiyi və təqdim edilməsi gözlənilən Android 15 yeniləməsi keçən ay istifadəçilərə təqdim olundu. Gecikmələr səbəbilə bəzi istifadəçilərin narazılığına baxmayaraq, yeniləmə bir çox yeni funksiyaları özündə əks etdirir. Motorola isə verdiyi açıqlamada Android 15 yeniləməsinin təxminən 30 cihaz üçün əlçatan olacağını bildirib. Budur, Android 15 yeniləməsini alacaq Motorola cihazlarının siyahısı:
Android 15 yeniləməsini alacaq Motorola cihazları
Şirkət Razr, Edge, Moto G və Thinkphone modellərinə aid olan 30 cihaz üçün dəstək səhifələrini yeniləyib. Bu, o deməkdir ki, yeniləmənin qısa müddət ərzində təqdim olunması planlaşdırılır.
Android 15-in əsas diqqət çəkən tərəfi onun təhlükəsizlik xüsusiyyətləridir. Yeniləməyə oğurluğa qarşı aşkar etmə funksiyası, uzaqdan kilidləmə imkanı və şəxsi zonalar kimi xüsusiyyətlər daxildir. Bu yeniliklər sayəsində telefona kənar müdaxilə daha da çətinləşdirilib.
Android 15 yeniləməsini alacaq Motorola cihazlarının siyahısı: Razr 50 Ultra, Razr 50, Razr 50s, Razr 40 Ultra, Razr 40, Razr 40s, Edge 2024, Edge+ 2023, Edge 2023, Edge 50 Ultra, Edge 50 Pro, Edge 50, Edge 50 Neo, Edge 50 Fusion, Edge 40 Pro, Edge 40, Edge 40 Neo, Edge 30 Ultra, Moto G Power (2024), Moto G Stylus (2024), Moto G (2024), Moto G85, Moto G75, Moto G55, Moto G45, Moto G35, Moto G34, Thinkphone, Thinkphone 25.
Emil Bağızadə
15:50 16.11.2024
Oxunuş sayı: 11164
