Böyük Britaniya Ukraynaya dondurulmuş Rusiya aktivlərindən əldə olunan 1 milyard funt ayırdı
Böyük Britaniya Ukraynaya hərbi dəstək üçün dondurulmuş Rusiya aktivlərindən əldə edilən 1 milyard funt sterlinq yönləndirib.
Crossmedia.az xəbər verir ki, bu barədə məlumat Britaniya hökumətinin rəsmi saytında yer alıb.
Böyük Britaniyanın müdafiə naziri Con Hili açıqlamasında “Dondurulmuş Rusiya aktivlərindən əldə olunan 1 milyard funt artıq Ukraynanın hərbi dəstəyi üçün ayrılıb” deyib. Nazir həmçinin vurğulayıb ki, London silahlı qüvvələrinin döyüş hazırlığı səviyyəsini yenidən nəzərdən keçirir.
Onun sözlərinə görə, atəşkəs əldə ediləcəyi halda, Britaniya ordusunun Ukraynaya göndərilməsi məsələsi gündəmdə olacaq.
Nihat Tahirov
11:07 04.09.2025
Oxunuş sayı: 4475
