Xatirə Hüseynova: " PR sahəsində yüksək ixtisaslı uyğun kadrların yetişdirilməsi son dərəcə zəruridir"
"Müəlliflər iki ildir ki bu layihə üzərində işləyirdi. Redaksiya heyətinin üzvü olaraq kitabın ərsəyə gəlməsində böyük rolu olan Bakı Dövlət Universitetinin və İqdisadi İslahatların Təhlili və Kommunikasiya Mərkəzinin rəhbərliyinə təşəkkürümü bildirirəm. Dərs vəsaiti yalnız jurnalistika ixtisasında təhsil alan tələbələr üçün deyil, ictimaiyyətlə əlaqələr sahəsində çalışan hər kəs üçün faydalı olacaq".
Bu sözləri "İctimaiyyətlə əlaqələrin əsasları" dərs vəsaitinin təqdimat mərasimində Crossmedia.az-a açıqlamasında Bakı Dövlət Universitetinin Yeni media və kommunikasiya nəzəriyyəsi kafedrasının müdiri, filologiya üzrə fəlsəfə doktoru, dosent Xatirə Hüseynova deyib.
"Azərbaycan dilində PR sahəsində nəzəri ədəbiyyat çox azdır. PR sahəsinin inkişafı vacib olduğu kimi yüksək ixtisaslı uyğun kadrların yetişdirilməsi də son dərəcə zəruridir. İnanıram ki, İctimaiyyətlə əlaqələrin əsaslarından bəhs edən dərs vəsaitimiz bu istiqamətdə çalışanlar üçün dəyərli mənbə olacaq. Kitab həm də Milli mətbuatımızın 150 illiyinə töhfədir.
18:18 15.07.2025
Oxunuş sayı: 24507
