BDU və İqtisadi İslahatların Təhlili və Kommunikasiya Mərkəzi arasında müqavilə imzalanıb
"İctimaiyyətlə Əlaqələrin Əsasları" dərs vəsaitinin təqdimatı keçirilib.
Crossmedia.az xəbər verir ki, tədbir çərçivəsində mühüm əməkdaşlıq sənədi imzalanıb. Bakı Dövlət Universiteti ilə İqtisadi İslahatların Təhlili və Kommunikasiya Mərkəzi arasında qarşılıqlı əməkdaşlığa dair rəsmi müqavilə bağlanıb.
Sənədi universitetin rektoru Elçin Babayev və İqtisadi İslahatların Təhlili və Kommunikasiya Mərkəzinin icraçı direktoru, iqtisadi elmlər doktoru Vüsal Qasımlı imzalayıblar.
Müqavilə tərəflər arasında informasiya mübadiləsinin gücləndirilməsi, elmi və mədəni təşəbbüslərin birgə təşkili, eləcə də maarifləndirici layihələrin həyata keçirilməsi məqsədi daşıyır.
Təqdimat mərasimində çıxış edən rektor bu əməkdaşlığın təhsil və cəmiyyət arasında körpü rolunu oynayacağını vurğulayıb. İctimai əlaqələr direktoru isə bu təşəbbüsün gələcəkdə bir sıra uğurlu layihələrə zəmin yaradacağını bildirib.
Fatimə Məmmədova
17:29 15.07.2025
Oxunuş sayı: 1091
