Cənubi Koreya əsgəri səhvən Şimali Koreya istiqamətində atəş açıb
Cənubi və Şimali Koreya arasında yerləşən hərbi cəbhə bölgəsində gərginliyə səbəb ola biləcək insident qeydə alınıb.
Crossmedia.az xəbər verir ki, bu barədə Cənubi Koreya Birləşmiş Qərargah Rəisləri İdarəsinin sözçüsü Yanq Sunq-kvan mətbuata açıqlama verib.
Onun sözlərinə görə, hadisə mayın 28-də, yerli vaxtla saat 17:00 radələrində Seulun şimalında, sərhədə yaxın Yanqcu bölgəsində baş verib.
İlkin məlumata görə, bölgədə xidmət aparan Cənubi Koreya hərbçisi təsadüfən ağır pulemyotdan Şimali Koreya istiqamətində bir dəfə atəş açıb.
Atəşdən dərhal sonra insident barədə Şimali Koreya tərəfinə məlumat verilib.
Qeyd olunur ki, insidentə baxmayaraq, qarşı tərəfdən hər hansı cavab tədbiri qeydə alınmayıb.
Hadisə ilə bağlı araşdırma aparılır.
Aybəniz Səfərova
21:13 29.05.2025
Oxunuş sayı: 7665
