Özbəkistan Xalq Demokratik Partiyasının fraksiyası özünü parlament müxalifəti elan etdi
Özbəkistan Ali Məclisinin Qanunverici Palatasında təmsil olunan Xalq Demokratik Partiyası (XDP) fraksiyası rəsmi olaraq özünü parlament müxalifəti elan edib.
Crossmedia.az xəbər verir ki, bu barədə Palatanın rəsmi saytında yayımlanan açıqlamada bildirilir.
Qeyd olunur ki, fraksiya hökumətin kursu və proqramının bəzi istiqamətləri ilə razı deyil. Qanunvericiliyə əsasən, bu statusu qəbul edən fraksiya parlament fəaliyyətində geniş səlahiyyətlər qazanır.
Partiyadan verilən məlumata görə, XDP-nin məqsədləri – sosial ədalət və bərabərlik prinsiplərinə əsaslanan demokratik dövlət qurmaq – yenilənmiş Konstitusiyanın müddəaları ilə səsləşir. Həmin Konstitusiyada vətəndaşların hüquq və azadlıqlarının müdafiəsini gücləndirən mexanizmlər əksini tapıb.
Fraksiya, həmçinin, yaxın zamanda sağ partiyaların iştirakı ilə formalaşmış “Proqressiv Blok”un yaradılmasına qarşı çıxmasa da, onun prioritetləri ilə razılaşmadığını bəyan edib.
Fatimə Məmmədova
13:23 14.05.2025
Oxunuş sayı: 632
