Suriya Ərəb Respublikası ABŞ Prezidenti Donald Trampın Əsəd rejiminə qarşı tətbiq edilmiş sanksiyaların ləğvi ilə bağlı verdiyi açıqlamaya münasibət bildirib.
Crossmedia.az xəbər verir ki, rəsmi bəyanatda Trampın mövqeyi alqışlanaraq, bu qərarın uzun illər davam edən münaqişəyə son qoymaq və ölkənin yenidən qurulması üçün mühüm addım olduğu qeyd olunub.
“Sanksiyaların aradan qaldırılması Suriyanın sabitliyə, iqtisadi dirçəlişə və müstəqilliyə doğru irəliləməsinə şərait yaradacaq”, – deyə açıqlamada vurğulanıb.
Suriya tərəfi, həmçinin, ABŞ ilə qarşılıqlı hörmət və ümumi maraqlara əsaslanan dialoqa hazır olduğunu bəyan edib. Nazirlik bildirir ki, belə münasibətlərin formalaşdırılması Suriya xalqının maraqlarına xidmət edəcək.
