Avropa komissarı: Atəşkəs Rusiyanı silah anbarlarını doldurmağa şərait yarada bilər
Avropanın müdafiə üzrə komissarı Andrius Kubilius Ukraynada mümkün atəşkəsin ciddi nəticələr doğura biləcəyi barədə xəbərdarlıq edib.
Crossmedia.az xarici KİV-ə istinadən xəbər verir ki, onun sözlərinə görə, Rusiya Federasiyası artıq iqtisadiyyatını hərbi müstəviyə keçirdiyindən, silah istehsalını intensiv şəkildə davam etdirir.
“Rusiya iqtisadiyyatı hərbi yollara keçib və çoxlu silah istehsal edir. Artıq bu iqtisadiyyatı əvvəlki vəziyyətə qaytarmaq mümkün deyil. Ona görə də Ukraynada sülh və ya atəşkəs bərqərar olunarsa, Rusiya silah istehsalını və toplamasını davam etdirəcək. Bu da son nəticədə yeni təcavüzə başlamağa şərait yaradacaq”, – Kubilius bildirib.
Avropalı deputat hesab edir ki, atəşkəs Rusiyaya silah anbarlarını doldurmaq və gələcəkdə daha genişmiqyaslı hərbi hücumlar hazırlamaq imkanı verə bilər.
19:53 13.05.2025
Oxunuş sayı: 746
