Zelenski: Putin mənimlə birbaşa danışıqlardan qorxur!
Ukrayna prezidenti Volodimir Zelenski İstanbulda Rusiya ilə keçiriləcək, atəşkəs danışıqları barədə açıqlama verib.
Crossmedia.az xəbər verir ki, o, ABŞ prezidenti Donald Trampın da prosesə cəlb edilməsi məqsədilə İstanbula dəvət olunduğunu bildirib.
Prezident vurğulayıb ki, İstanbul danışıqları nəticəsiz qalsa, bu, Rusiyanın diplomatik həll yoluna maraqlı olmadığını sübut edəcək.
"Məndən başqa heç kim Ukraynanın suverenliyi, ərazi bütövlüyü və gələcək yolu barədə danışıqlar apara bilməz. Bu, Ukrayna Konstitusiyasına əsasən yalnız mənim hüququmdur. Mən dövlətimizin mənafeyini müdafiə edən şəxsəm", - Zelenski əlavə edib.
Onun sözlərinə görə, cümə axşamı Ankarada Türkiyə prezidenti Rəcəb Tayyib Ərdoğanla görüşəcək: “Əgər Putin İstanbula gəlsə, mən də Ankaradan ora gedəcəm. Lakin Putin mənimlə birbaşa danışıqlardan qorxur”.
Zelenski onu da qeyd edib ki, müharibənin dayandırılması yalnız Rusiya liderindən asılıdır:
"Mən bunu Trampa dəfələrlə bildirmişəm: Putin müharibəni bitirmək istəmir, atəşkəs istəmir, heç bir danışıqların aparılmasını istəmir. Atəşkəslə bağlı birbaşa danışıqlar yalnız Putinlə aparılmalıdır. Çünki bu qərarı vermək səlahiyyəti ancaq onun əlindədir".
Aybəniz Səfərova
18:24 13.05.2025
Oxunuş sayı: 8885
