ABŞ Qəzzada razılaşma üçün İsrailə təzyiq göstərir – İsrail mətbuatı
İsrail mətbuatında yayılan məlumatlara görə, ABŞ Prezidenti Donald Trampın 13 mayda başlayacaq Yaxın Şərq turundan əvvəl Vaşinqton administrasiyası İsrailə Qəzzada atəşkəs razılaşmasına varmaq üçün “ağır təzyiq” göstərir.
Crossmedia.az “Haaretz” qəzetinə istinadən xəbər verir ki, Tramp administrasiyası bu məsələni “böyük əhəmiyyətə malik” sayır və Təl-Əvivə “əgər ABŞ ilə razılaşmaya doğru irəliləyiş olmazsa, tək qalacaqları” xəbərdarlığı edilib. İsrailin Strateji İşlər naziri Ron Dermer isə məsələyə dair rəsmi açıqlama verməkdən imtina edib.
Eyni zamanda ABŞ-nin Yaxın Şərq üzrə xüsusi nümayəndəsi Stiv Witkoffun Vaşinqtonda Qəzzadaki əsirlərin ailələri ilə görüşündə “hərbi təzyiqin girovları təhlükəyə atdığını” dediyi bildirilir. Witkoff, İsrailin müharibəni hələ də bitirməməsinin ağır nəticələrə yol aça biləcəyini qeyd edib.
Kanal 12-nin məlumatına görə, Witkoff ailələrə bildirib: “Əgər bu günə qədər müharibənin bitməməsinin əvəzini girovlar ödəmişdisə, indi bu əvəz İsrail üçün daha ağır olacaq. Tramp, İsrail iştirak etməsə də, Səudiyyə Ərəbistanı ilə razılaşmaya doğru irəliləməyə qərarlıdır”.
Witkoff həmçinin vurğulayıb ki, Yəməndə Husilərlə əldə olunan atəşkəs sadəcə başlanğıcdır və əgər İsrail bu prosesi düzgün qiymətləndirməzsə, “Milenyum razılaşması” belə əldə ediləcək. Onun sözlərinə görə, “Tarixi qatar artıq stansiyadan ayrılıb və ABŞ peronda gözləməyəcək”.
Mədinə Cəlilova
20:43 09.05.2025
Oxunuş sayı: 926
