Almaniyanın yeni kansleri: “Türkiyə NATO-nun son dərəcə dəyərli müttəfiqidir”
Almaniyanın yeni kansleri Fridrix Mers Brüsseldə NATO Baş katibi Mark Rutte ilə keçirdiyi birgə mətbuat konfransında Türkiyənin “son dərəcə dəyərli və vacib NATO müttəfiqi” olduğunu bildirib və ikitərəfli əməkdaşlığın genişləndiriləcəyini vurğulayıb.
Crossmedia.az xarici mətbuata istinadən xəbər verir ki, Mersin sözlərinə görə, Türkiyə NATO ərazilərində strateji baxımdan həyati əhəmiyyətə malik bir bölgəni qoruyur. O, ötən il planlaşdırılan Türkiyə səfərinin ləğv edildiyini xatırladıb və yaxın gələcəkdə Prezident Rəcəb Tayyib Ərdoğanın onu ziyarət edəcəyini gözlədiyini deyib.
Alman hökumətinin Türkiyəyə döyüş təyyarələrinin göndərilməsi məsələsində qərar verəcəyini də qeyd edən Mers, NATO-nun gələcəyi ilə bağlı əvvəlki aylarla müqayisədə daha nikbin olduğunu bildirib. O, Avropalı NATO üzvlərinin səylərinin indi daha çox qəbul edildiyini vurğulayıb.
İyunda Hollandiyada keçiriləcək NATO zirvəsinə toxunan Alman kansleri, ABŞ ilə birgə strategiyanın formalaşdırılması baxımından fevralla müqayisədə bu gün daha ümidli olduqlarını deyib.
Mədinə Cəlilova
20:30 09.05.2025
Oxunuş sayı: 11173
