Koreya və Tacikistan Düşənbədə metro tikintisini müzakirə edir
Koreya ilə Tacikistan arasında Düşənbə şəhərində metro tikintisi ilə bağlı danışıqlar aparılır. Layihəyə 2028-ci ildən başlanıla biləcəyi qeyd olunur.
Crossmedia.az xarici mediaya istinadən xəbər verir ki, hazırda təxminən 1,5 milyon əhalisi olan Düşənbə üçün metro nəqliyyatı zəruri hesab edilsə də, bu, kifayət qədər böyük maliyyə vəsaiti tələb edən layihədir. Bununla belə, təşəbbüs müsbət qarşılanır və uğurlar arzulanır.
Bu arada, Azərbaycanda da metro şəbəkəsinin genişləndirilməsi planlaşdırılır. 2030-cu ilə qədər ölkədə 10 yeni metro stansiyasının tikintisi nəzərdə tutulur. Bildirilir ki, bu stansiyalar bir sıra mövcud problemləri aradan qaldırmaqla daha funksional olacaq. Layihənin icrası maraqla gözlənilir.
Mədinə Cəlilova
19:23 09.05.2025
Oxunuş sayı: 860
