Si Cinpin şəxsən Putini Ukraynada “ədalətli” sülh sazişi bağlamağa çağırıb
Bir gün əvvəl Vladimir Putinlə görüşdə Çin sədri Rusiya prezidentini Ukraynaya dair “ədalətli”, “qalıcı” və “hüquqi məcburi” sülh sazişi bağlamağa çağırıb.
Crossmedia.az-ın xarici mediaya istinadən verdiyi xəbərə görə, bu, ilk dəfədir ki, Çin lideri şəxsən Putinə müharibənin dayandırıla biləcəyi prinsipləri açıqlayır. Kremldə çay süfrəsi zamanı tərəflər “Ukrayna böhranı” ilə bağlı fikir mübadiləsi aparıblar. Çin lideri deyib ki, o, “bütün ölkələrin qanuni təhlükəsizlik narahatlıqlarını nəzərə almaq və Ukraynadakı böhranın əsas səbəblərini aradan qaldırmaq” lazım olduğuna inanır.
Çin, Si Cinpinin sözlərinə görə, sülhə nail olmaq üçün bütün səyləri alqışlayır və ümid edir ki, bu, "dialoq, bütün maraqlı tərəflər üçün məqbul olan ədalətli, uzunmüddətli və hüquqi cəhətdən məcburi sülh sazişi" vasitəsilə əldə ediləcək", - Sinxua rus dilində bildirib. Putin, öz növbəsində, Sinxua agentliyinin məlumatına görə, Rusiyanın ilkin şərt olmadan sülh danışıqlarına başlamağa hazır olduğunu bəyan edib və ədalətli sülh razılaşmasının əldə olunacağına ümid etdiyini bildirib.
16:10 09.05.2025
Oxunuş sayı: 10905
