Filippin və Yeni Zelandiya müdafiə əməkdaşlığını gücləndirdilər
Filippin və Yeni Zelandiya qoşun səfərlərinə dair razılaşma imzalayaraq iki ölkə arasında müdafiə əməkdaşlığını gücləndirdilər. Bu saziş regionda artan gərginlik fonunda təhlükəsizlik əlaqələrinin möhkəmləndirilməsi baxımından mühüm addım hesab olunur.
Crossmedia.az xarici KİV-ə istinadən xəbər verir ki, Qoşun Səfərləri Sazişi (SOVFA): Filippin Müdafiə Naziri Gilberto Teodoro və Yeni Zelandiya Müdafiə Naziri Judith Collins tərəfindən imzalanıb. Bu razılaşma hər iki ölkənin əsgərlərinin qarşılıqlı şəkildə bir-birlərinin ərazisində yerləşdirilməsinə, birgə hərbi təlimlər, humanitar və təbii fəlakətlərə cavab tədbirlərində iştirakına imkan verir.
Filippinin Çinlə mübahisəli sularda artan gərginliyi ABŞ, Avstraliya, Yaponiya və Kanada da daxil olmaqla digər ölkələrlə hərbi əməkdaşlığını gücləndirir. Yeni Zelandiya da müdafiə xərclərini artıraraq, Hind-Sakit okean bölgəsində daha güclü tərəfdaşlıqlar qurmağa çalışır.
14:06 30.04.2025
Oxunuş sayı: 8870
