Suriya ABŞ-la razılaşdı : Fələstin təşkilatlarına nəzarət ediləcək, İsrailə qarşı təhdid olmayacaq
Suriya öz ərazisindəki fələstinli təşkilatların fəaliyyətinə tam nəzarət edəcəyini və heç bir dövlətə, o cümlədən İsrailə qarşı təhlükə yaratmayacağını bildirib. Bu barədə ABŞ-nin iqtisadi sanksiyaların yumşaldılması üçün irəli sürdüyü ilkin şərtlərə cavab olaraq yeni Suriya rəhbərliyinin göndərdiyi məktubda qeyd edilib. Məlumatı Elnashra portalı yayıb.
Crossmedia.az xarici mediaya istinadən bildirir ki, yeni rəhbərlik bildirib ki, Suriyada fəaliyyət göstərən fələstinli təşkilatların fəaliyyətinə nəzarət etmək üçün xüsusi bir komitə yaradılacaq. Eyni zamanda vurğulanıb ki, “Suriya heç bir dövlətə, o cümlədən İsrailə qarşı təhlükə yaratmayacaq”.
Hazırda Nyu-Yorkda olan keçid hökumətinin xarici işlər naziri Əsəd Əş-Şibani amerikalı rəsmilərlə görüşəcək. O, Dəməşqin göndərdiyi cavab məktubunun məzmununu müzakirə edəcək və Suriyanın əsas məsələlər üzrə mövqeyini izah edəcək.
Fatimə Nəbiyeva
19:20 26.04.2025
Oxunuş sayı: 12337
